එක්සත් ජාතීන්ගේ සංවිධානයේ සියලු රටවල් නියෝජනය කරමින් තායිලන්තයේ බැංකොක් නුවර මෙම සම්මේලනය පැවැත්වෙන අතර ශ්‍රී ලංකාවට මෙවැනි තනතුරක් හිමිවු පළමු අවස්ථාවද මෙය වේ. ජයවික්‍රම පෙරේරා මහතා හට මෙමගින් ආසියානු කලාපයේ රටවල් 55 කට අධික ප්‍රමාණයකට නායකත්වය ලබා දිම සහ 2030 වනවිට සම්පුණ කළ යුතු එක්සත් ජාතීන්ගේ සම්මුතීන් 17 ක්‍රියාත්මක කිරීමට 2017 වසර වනතෙක් බලය සහ වගකීම ලැබී ඇත.
මෙම සම්මේලනයේ දී අදහස් දැක්වු අමාත්‍යවරයා , පාරිසරික ප්‍රාග්ධනය ශ්‍රී ලංකාවේ ධනය බවත් සංවර්ධන ක්‍රියාදාමයේදී අවම පාරිසරික සම්පත් ප්‍රමාණයක් ප්‍රයෝජනයට ගනිමින් අපගේ ජාතික ධනය වන පාරිසරික වස්තුන් සුරක්ෂණය කිරීමට වත්මන් රජය බැදී සිටින බව පැවසීය.
එසේම ශ්‍රී ලංකා රජය ජනතාවගේ ජීවන තත්වය උසස් කිරීම සදහා විශාල පරිශ්‍රමයක් දරන බවත් වරප්‍රසාද සියලු රටවැසියන් සඳහා සමසේ බෙදීයන ආකාරයට ක්‍රියා කරන බවත් පැවසිය.වර්තමාන ආණ්ඩුව යහපාලනය තුලින් ප්‍රජාතන්ත්‍රවාදය එලෙසින්ම ක්‍රියාත්මක කරන බවත් ජාතික සංහිදියාව ඔස්සේ රටේ සංවර්ධන වැඩපිළිවෙල සාර්ථකව සිදුකරන බවත් ඒ මහතා වැඩි දුරටත් පැවසීය.
AP
