මාර්තු 08 වැනි දිනට යෙදී තිබෙන ජාත්‍යන්තර කාන්තා දින ජාතික උත්සවය මෙවර අම්පාර දිස්ත්‍රික්කයේ වීරසිංහ ක්‍රීඩාංගනයේදී ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් පැවැත්වෙන බව කාන්තා හා ළමා කටයුතු අමාත්‍ය චන්ද්‍රාණි බණ්ඩාර මහත්මිය ප්‍රකාශ කළාය.
රජයේ ප්‍රවෘත්ති දෙපාර්තමේන්තුවේ අද (01) පැවති ජාත්‍යන්තර කාන්තා දින වැඩසටහන පිළිබඳ මාධ්‍ය දැනුවත් කිරීමේ අවස්ථාවට එක්වෙමින් අමාත්‍යවරිය මේ බව සඳහන් කළේය.
‘සවිබල කතක්- තිරසාර හෙටක්‘ තේමාව යටතේ මෙවර ජාත්‍යන්තර කාන්තා දින සැමරීම සිදු වන බවත් මෙම ජාතික උත්සවය සඳහා කාන්තාවන් 3000ක් පමණ සහභාගි වීමට නියමිත බව ද අමාත්‍යවරිය පෙන්වා දුන්නාය.
කාන්තා දිනය වෙනුවෙන් කාන්තා සෞඛ්‍ය සායන, කාන්තා නිෂ්පාදන සහිත ප්‍රදර්ශන කුටි 100ක් සහිත පොළක් යනාදී වැඩසටහන් රැසක් ක්‍රියාත්මක කෙරෙන බව ද ඇය වැඩිදුරටත් පැවසීය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
