උදෑසන අරලියගහ මන්දිරයේදී නීතිය හා සාමය සහ දක්ෂිණ සංවර්ධන අමාත්‍ය හා අග්‍රාමාත්‍ය කාර්යමණ්ඩල ප්‍රධානී සාගල රත්නායක මහතාගේ ප්‍රධානත්වයෙන් සහ අග්‍රාමාත්‍ය ලේකම් සමන් ඒකනායක මහතාගේ සහභාගිත්වයෙන් අපද්‍රව්‍ය කළමනාකරණය කිරීම සහ බැහැරලීම පිළිබඳව සාකච්ඡාවක් ඊයේ (30) පැවැත්විණි.
මෙහිදී මීතොටමුල්ල කසල ගැටළුව විසදීම සඳහා ගත හැකි විසදුම් කිහිපයක් ද සාකච්ඡා කරනු ලැබීය.
මෙම අවස්ථාවට මහා නගර හා බස්නාහිර සංවර්ධන අමාත්‍යාංශය, ජලසම්පාදන අමාතයාංශය, පළාත් පාලන හා පළාත් සභා අමාත්‍යාංශය හා පරිසර අමාත්‍යාංශය යන ආයතනවල ලේකම්වරුන් ද සහභාගී වූය. එමෙන්ම නාගරික සංවර්ධන අධිකාරිය ඇතුළු රාජ්‍ය ආයතන රැසක ඉහල නිලධාරීන් රැසක් ද මෙම අවස්ථාවට සහභාගී වී සිටියහ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
