ආරක්ෂක නිලධාරීන් පුහුණු කර ජාත්‍යන්තරය පිළිගන්නා NVQ සහතිකය ලබා දීමට ආරක්ෂක නිළධාරීන් පුහුණු පාඨමාලාවක් ලබන වසරේදී තම අමාත්‍යංශය යටතේ ආරම්භ කරන බව නිපුණතා සංවර්ධන හා වෘත්තීය පුහුණු රාජ්‍ය අමාත්‍ය පාලිත රංගේ බණ්ඩාර මහතා පවසයි.
ආණමඩුව ප්‍රාදේශීය ලේකම් කාර්යාලයේදී පෙරේදා පැවති උත්සවයකදී මේ බව ප්‍ර‍කාශ කළ අතර මීට අමතරව ජාත්‍යන්තර රියදුරු බලපත් ලබාදීම සඳහා පුහුණු පාසල් 04ක් ලබන ජනවාරියේදී දිස්ත්‍රික්ක 04ක අරම්භ කරන බව ද සඳහන් කළේය.
ඒ මහතා ප්‍ර‍කාශ කළේ ඉන් එක් මධ්‍යස්ථානයක් පුත්තලමටද සෙසු ඒවා දකුණු හා උතුරු නැගෙනහිර පළාත් මුල් කරගෙන ආරම්භ කරන බවයි.
මෙරට ආරක්ෂක නිළධාරීන් හට ජාත්‍යන්තර රැකියා ක්ෂේත්‍රයේ ඉහළම ඉල්ලුමක් පවතින්නේ ඔවුන්ගේ ඇති මනා පෞරුෂය හා ඉහලම විනය ගරුක භාවය නිසා බව ද අමාත්‍යවරයා වැඩිදුරටත් පැවසීය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
