2015 වසරේ ඇසිදිසි ජනමාධ්‍ය ශිෂ්‍යත්ව ප්‍රදානය අද (18) රජයේ ප්‍රවෘත්ති දෙපාර්තමේන්තු ශ්‍රවණාගාරයේ පැවති අතර එහිදී අමාත්‍යවරයා මේ බව සඳහන් කළේය. මෙහිදී දිවයිනේ පිළිගත් විද්‍යුත් හා මුද්‍රිත මාධ්‍ය ආයතනයන් හි පූර්ණකාලීන හා අර්ධකාලීන ජනමාධ්‍යවේදීන් සහ නිදහස් මාධ්‍යවේදීන් 145 දෙනෙකුට ශිෂ්‍යත්ව ප්‍රදානය සිදු කෙරිණි.
මෙම ශිෂ්‍යත්ව ප්‍රදාන වැඩසටහන 2006 වසරේ සිට ආරම්භ කර තිබෙන අතර පසුගිය වසරවලට වඩා වැඩි පිරිසකට ශිෂ්‍යත්ව ලබා දීමට හැකි වූ බව පෙන්වා දුන් අමාත්‍යවරයා සාර්ථක දේශපාලඥයෙකු හෝ මාධ්‍යවේදියෙකු වීමට නම් කැපවීම, හැකියාව, දක්ෂතාව, උනන්දුව, අත්දැකීම් යනාදියෙන් සන්නද්ධ විය යුතු බව ද සඳහන් කළේය.
සාර්ථක මාධ්‍යවේදියෙකුට උකුසු ඇසත්, බූරු පිටත්, ඌරු කටක් තිබිය යුතු බව පැරණි මාධ්‍යවේදියා නව මාධ්‍යවේදියට කියා දුන් බවත් උකුසු ඇසින් විමර්ශනය, තියුණු දැනුමත් පෙන්වා දෙන බවත් ඒ මහතා පැවසීය.
එසේම මාධ්‍ය වෘත්තියේ තිබෙන කටුක, දුෂ්කරතාව, දරා ගැනීමේ හැකියාව බූරු පිටක් ලෙස හඳුන්වා දී තිබෙන අතර ඕන වේලාවක ලැබෙන දෙයක් කෑමට ගැනීමට මාධ්‍ය වෘත්තිය තුළ සිදු වන්නක් බව පැරණි මාධ්‍යවේදියා නවකයා කියා දෙන බවත් අමාත්‍යවරයා මෙහිදී පැහැදිලි කළේය.
ජනතාව හා සමාජය ඉදිරියට ගෙන යන මාධ්‍ය පිරිසක් අවශ්‍ය බව පෙන්වා දුන් අමාත්‍යවරයා ප්‍රකාශ කළේ නිදහසේ පෑන හැසිරවීමට උපරීම ලෙස මාධ්‍ය නිදහස ලබා දී තිබෙන බවයි.
මාධ්‍යවේදීන්ගේ ගුණාත්මක බව වැඩිදියුණු කිරීමට සම්පූර්ණයෙන් ම අවධානය යොමු කර තිබෙන අතර එහිදී සහන මිලට යතුරු පැදි ලබාදීම, නිවාස ව්‍යාපෘතිය ක්‍රියාත්මක කිරීම යනාදී වැඩසටහන් රැසක් ඉදිරියේදී ක්‍රියාත්මක කෙරෙන බව ද අමාත්‍යරයා වැඩිදුරටත් පැවසීය.
kpm
