රජයේ වෛද්‍යවරුන්ගේ සංගම්වල වැඩවර්ජනය හේතුවෙන් රජයේ රෝහල්වල සේවා කටයුතුවලට බලපෑමක් සිදු වී නොමැති බව කැබිනට් මාධ්‍ය ප්‍රකාශක සෞඛ්‍ය, පෝෂණ හා දේශීය වෛද්‍ය අමාත්‍ය රාජිත සේනාරත්න මහතා පැවසීය.
රජයේ ප්‍රවෘත්ති දෙපාර්තමේන්තුවේ අමාත්‍ය මණ්ඩල තීරණ දැනුම් දීමේ මාධ්‍ය හමුවේදී අමාත්‍යවරයා මේ බව අද (03) සඳහන් කළේය.
ඒ මහතා ප්‍රකාශ කළේ රජයේ විශේෂඥවරුන්ගේ සංගමය අද දින මෙම වැඩවර්ජනයට එක් නොවන බව තමාට දැනුම් දුන් බවයි.
යම් ඉල්ලීමක් තිබෙන්නේ නම් සාකච්ඡා මාර්ගයෙන් විසඳා ගැනීමට හැකි බවත් ඕනෑම අවස්ථාවක තමා ඔවුන් සමඟ සාකච්ඡා කිරීමට සූදානම් බවත් අමාත්‍යවරයා වැඩිදුරටත් පැවසීය.
kpm
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
