එසේම එම විභාග අනුමාන ප්‍රශ්න ඇතුළත් ප්‍රශ්න පත්‍ර මුද්‍රණය කිරීම, ඒවා බෙදාහැරීම, විභාග ප්‍රශ්නපත්‍රවල ප්‍රශ්න ලබාදෙන බවට පෝස්ටර්, බැනර්, අත්පත්‍රිකා, විද්‍යුත් හෝ මුද්‍රිත මාධ්‍ය මගින් ප්‍රසිද්ධියට පත්කිරීම හෝ එවැනි දේ ළඟ තබා ගැනීම සපුරා තහනම් බව විභාග කොමසාරිස්වරයා නිවේදනයක් නිකුත් කරමින් සඳහන් කරයි.
යම් අයෙකු හෝ ආයතනයක් හෝ වෙනත් පාර්ශවයක් විසින් මෙකී නියෝග නොසලකා කටයුතු කරනු ලැබුවහොත් ඒ තැනැත්තා හෝ ආයතනය හෝ එම පාර්ශවය 2013 -06-21 දින නිකුත් කරන ලද අංක 1816 දරණ ගැසට් නිවේදනය ප්‍රකාරව 1968 අංක 25 දරණ ප්‍රසිද්ධ විභාග පනත යටතේ වරදකරුවෙකු වන බව සඳහන්ය.
ඒ අනුව කිසියම් තැනැත්තෙකු හෝ ආයතනයක් මෙම නියෝග කඩකරමින් වරදක් සිදුකරන්නේනම් ළඟම පවතින පොලිස් ස්ථානය, පොලිස් මූලස්ථානය හෝ විභාග දෙපාර්තමේන්තුව වෙත පැමිණිලි කළ හැකි බව විභාග කොමසාරිස් ජනරාල්වරයාගේ අත්සනින් යුතුව නිකුත් කළ නිවේදනයේ දැක්වෙයි.
විභාග දෙපාර්තමේන්තුවේ ක්ෂණික ඇමතුම් අංකය - 1911
පාසල් විභාග සංවිධාන හා ප්‍රතිඵල ශාඛාව - 0112784208/ 0112784537
පොලිස් මූලස්ථානයේ අංක - 0112421111
පොලිස් හදිසි ඇමතුම් අංකය - 119
යන දූරකතන අංක ඔස්සේ මේ පිළිබඳ පැමිණිලි කළ හැකි බව විභාග කොමසාරිස් ජනරාල්වරයා වැඩිදුරටත් සඳහන් කරයි.
