පළාත් සභාවල ප්‍රධාන අමාත්‍යවරුන් මාස දෙකකට වරක් අමාත්‍ය මණ්ඩල රැස්වීමට කැඳවීමට ජනාධිපතිතුමා කළ යෝජනාවට හා පාර්ලිමේන්තු කමිටු ප්‍රධානින් ද මාස දෙකකට වරක් අමාත්‍ය මණ්ඩල රැස්වීමට කැඳවීමට අග්‍රාමාත්‍යවරයා කළ යෝජනාවට අමාත්‍ය මණ්ඩලයේ අනුමැතිය ලැබී ඇති බව කැබිනට් මාධ්‍ය ප්‍රකාශක, පාර්ලිමේන්තු ප්‍රතිසංස්කරණ හා ජනමාධ්‍ය අමාත්‍ය ගයන්ත කරුණාතිලක මහතා පැවසීය.
රජයේ ප්‍රවෘත්ති දෙපාර්තමේන්තුවේ අද (15) පැවති අමාත්‍ය මණ්ඩල තීරණ දැනුම් දීමේ මාධ්‍ය හමුවේදී අමාත්‍යවරයා මේ බව සඳහන් කළේය.
ඔවුන්ට තිබෙන ගැටලු සම්බන්ධයෙන් අමාත්‍ය මණ්ඩලය තුළ සාකච්ඡා කිරීමට ද අවස්ථාවක් ලබා දීම වෙනුවෙන් මෙවැනි තීරණයක් ගෙන තිබෙන බව අමාත්‍යවරයා වැඩිදුරටත් පැවසීය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
