අයදුම්කරුවන්ගේ පහසුව සඳහා අ.පො.ස. උසස් පෙළ විභාග ප්‍රවේශ පත්‍රය ඉහළ මට්ටමට ගෙන ඒමට කටයුතු කර තිබෙන බවත් ඒ සඳහා නව අංග 3ක් එක් කිරීමට කටයුතු කළ බවත් විභාග කොමසාරිස් ජනරාල් ඩබ්ලිව්.එම්.එන්.ජේ. පුෂ්පකුමාර මහතා පැවසීය.
ඒ අනුව ප්‍රවේශ පත්‍රයට අයදුම්කරුගේ ජාතික හැඳුනුම්පත් අංකය ඇතුළත් කිරීම, කුමන විෂය ධාරාවක් ද යන්න ඇතුළත් කිරීම සහ විභාග මධ්‍යස්ථාන අංකය ඇතුළත් කිරීම සිදු කර තිබෙන බව ඒ මහතා පෙන්වා දුන්නේය.
මෙම විභාගය නියමිත පරිදි අගෝස්තු 04 වැනි දා ආරම්භ කර අගෝස්තු 13 වැනි දා දක්වාත් නැවත අගෝස්තු 24 වැනි දින සිට සැප්තැම්බර් 8 වැනි දා දක්වාත් පැවැත්වේ.
මෙවර අ.පො.ස. උසස් පෙළ විභාගය සඳහා අපේක්ෂකයින් 309,069 දෙනෙකු පෙනී සිටින බව කොමසාරිස්වරයා වැඩිදුරටත් පැවසීය.
kpm
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
