රජයේ ප්‍රවෘත්ති දෙපාර්තමේන්තුවේ අද (28) පැවති මාධ්‍ය හමුවේදී ඒ මහතා මේ බව ප්‍රකාශ කළ අතර මෙම ව්‍යවස්ථා සංශෝධනයේ අවසන් තීරණය ලබන අමාත්‍ය මණ්ඩල හමුවේදී ඉදිරිපත් කිරීමට නියමිත බව ද සඳහන් කළේය.
පාර්ලිමේන්තු ආසන සංඛ්‍යාව 225 සිට 255 දක්වා වැඩි කිරීමේ යෝජනාව ඉදිරිපත් වී තිබෙන අතර එය කිසිදු පක්ෂයක යෝජනාවක් නොව ප්‍රායෝගික කුඩා හා සුළු පක්ෂ නියෝජනය කිරීම සඳහා ඉදිරිපත් වූවක් බව අමාත්‍යවරයා පෙන්වා දුන්නේය.
කේවල ක්‍රමය හා සමානුපාතික ක්‍රමය යටතේ ආසන 165ක්, ජාතික ලැයිස්තුවෙන් 5% සිට 1.5% හෝ 1%ක් දක්වා නියෝජනයක් ලබා දීම හා දිස්ත්‍රික් මට්ටමින් ද ජාතික ලැයිස්තුවෙන් නියෝජනයක් ලබා දීමට යෝජනා මෙම සංශෝධනයට ඇතුළත් කර තිබේ.
සීමා නිර්මාණ කොමිෂම පත් කිරීම, පාර්ලිමේන්තු ආසන සංඛ්‍යාව ජාතීන් අතර ප්‍රතිශතය අනුව ලබාදීම යනාදී කරුණු සම්බන්ධයෙන් ඊයේ අමාත්‍ය මණ්ඩල රැස්වීම තුළ දීර්ඝ වශයෙන් සාකච්ඡා කළ බව අමාත්‍යවරයා වැඩිදුරටත් පැවසීය.
kpm
