කත්මණ්ඩු නගරයට කිලෝමීටර 60 ක් පමණ දුරින් පිහිටි ධොලල්ගාට් ප්‍රදේශය ආශ්‍රිත සහන සේවා කටයුතු ශ්‍රී ලංකාව වෙත පැවරී ඇති අතර, ත්‍රිවිධ හමුදා සාමාජිකයන් ඉතා ධෛර්යයෙන් හා කැපවීමෙන් යුතුව මේ කාර්යයන්හි නිරත වන බව හමුදා කණ්ඩායම භාරව සිටින මේජර් ජෙනරාල් මෛත්‍රී ඩයස් මහතා පවසයි.
ගොඩනැගිලි සහ කඳු කඩා වැටී අවහිර වී තිබූ මාර්ග ගණනාවක් ද ශ්‍රී ලංකා යුද හමුදාවේ ඉංජිනේරු බලකායේ සාමාජිකයන් විසින් යළි යථා තත්වයට පත් කර තිබේ. මේ නිසා ධොලල්ගාට් අවට ග්‍රාමීය ප්‍රදේශයන්හි වෙසෙන ලක්ෂයක පමණ ජනතාවකට සහන සේවා සැපයීමේ ඉඩ හසර විවෘත වී ඇත.
සිපගාට් පළාතේ එල්ලෙන පාලමක් කඩා වැටීම නිසා ගම්මාන කිහිපයක් දින 5 ක් තිස්සේ හුදෙකලාවී තිබුණු අතර, ශ්‍රී ලංකා හමුදාවෝ පසුගිය 30 වන දා ඒ පාලම යළි පිළිසකර කිරීමට සමත් වූහ. මේ නිසා ඒ ගම්මාන වෙත ආහාර සහ වෛද්‍යාධාර යැවීමට හැකියාව දැන් ලැබී තිබේ.
නේපාලයේ වෙසක් උත්සවය සැමරීම අද (04) දිනට යෙදී ඇති අතර, ඒ වෙනුවෙන් ශ්‍රී ලංකා හමුදාවන් විශේෂ වැඩසටහන් කීපයක් ද දියත් කිරීමට නියමිත ය.
නේපාලයේ ශ්‍රී ලංකා තානාපති ඩබ්ලිව්. එම්. සෙනෙවිරත්න මහතා ප්‍රධාන කාර්ය මණ්ඩලය වෙතින් සහන සේවා සම්බන්ධීකරණ කටයුතු සිදු කෙරේ.
kpm
