එහිදී යුද හමුදාපතිතුමා හමු වීම සඳහා පැමිණි දූත පිරිසේ ප්‍රධානි ෂෙරීන් පොලීනි මහත්මිය, කලාපීය ආරක්ෂක සේනා නියෝජිත ලොයිඩ් ගිලෙටි මහතා සහ ජාත්‍යන්තර රතු කුරුස සංවිධානයේ සම්බන්ධීකරණ නිලධාරී චන්න ජයවර්ධන මහතා ද විය.
එම හමුවේ දී දෙපිරිස අතර ශ්‍රී ලංකාවේ ක්‍රියාත්මක කරන ලද මානුෂ්‍යවාදී ක්‍රියාකාරකම් පිළිබඳ ව හා ආරම්භ කිරීමට නියමිත එවැනි ක්‍රියාකාරකම් පිළිබඳ ව ද පුළුල් සාකච්ඡාවක් පැවැත්වීය.
නිලධාරී පුහුණු පාඨමාලා විෂය නිර්දේශයට ජාත්‍යන්තර මානුෂ්‍යවාදි නීතිය හා මානව හිමිකම් ප්‍රඥප්තිය පිළිබඳ ව කරුණු ඇතුළත් කර ඇති බව ප්‍රකාශ කළ යුද හමුදාපතිතුමා, ජාත්‍යන්තර රතු කුරුස ප්‍රඥප්තිය පිළිබඳ කරුණු දැන ගැනීමට වැඩි අවස්ථාවක් යුද හමුදාව වෙත ද ලබාදෙන ලෙස ද ඒම නිලධාරීන්ගෙන් ඉල්ලීමක් කළහ.
මෙම අවස්ථාව සිහිගන්වමින් සමරු තිළිණ හුවමාරුවක් සිදු වූ අතර එම හමුව සඳහා අධ්‍යක්ෂ පුහුණු බ්‍රිගේඩියර් අරුණ ජයසේකර මහතා ද සහභාගි විය.
NDH
