ඒ මහතා මෙම අදහස් පළ කලේ නීති විෂය පිළිබඳව දැනුවත් කිරීම සඳහා ප්‍රවීණ නීතිවේදී, ජනාධිපති නීතිඥ උපාලි ගුණරත්න මහතා විසින් සිංහල භාෂාවෙන් ලියවු “නීතිය“ ග්‍රන්ථය එළිදැක්වීමේ උත්සවයේ ප්‍රධාන ආරාධිතයා ලෙස සහභාගී වෙමිනි.
නීති ක්ෂේත්‍රය පිළිබඳව ලෝකයේ අනෙකුත් රටවල් සමඟ සංසන්දනය කළොත් අපේ රටේ නීතිය පිළිබඳව ග්‍රන්ථ ලියවෙන්නේ ඉතාම අඩුවෙන් ලියවෙන බවත් ඉන්දියාව වගේ රටක් ගත් විට නීති පොත පත විශාල වශයෙන් මුද්‍රණය කරන බවත් අමාත්‍යවරයා මේ බව සඳහන් කළේය.
නමුත් අපේ රටේ නීතිය පිළිබඳව සාමාන්‍යයෙන් පොත් 1000 අලෙවි වෙන්න අවුරුදු 3ක් පමණ ගත් වන නමුත් අපේ රටේ ප්‍රධාන උසාවි කිහිපයක් හැරුනු කොට බොහෝ උසාවිවල නීතිඥයින් වැඩ කරන්නේ සිංහල භාෂාවෙන් බවත් අමාත්‍යවරයා පෙන්වා දුන්නේය.
ඒ මහතා ප්‍රකාශ කළේ රටේ සමස්තයක් වශයෙන් ගත් විට නීතිඥයින් 1500ක් පමණ සිටින බවයි.
මෙම අවස්ථාවට රජයේ නියෝජ්‍ය සොලිසිටර් ජනරාල් යසන්ත කෝඳාගොඩ, අධිකරණ අමාත්‍යාංශයේ ලේකම් කමලනී ද සිල්වා, ජනාධිපති නීතිඥ උපාලි ගුණරත්න ඇතුළු මහත්ම මහත්මීන් ඇතුළු පිරිසක් එක්ව සිටියහ.
kpm
