කැබිනට් ප්‍රකාශකවරයා මේ බව සඳහන් කළේ, අද (12) රජයේ ප්‍රවෘත්ති දෙපාර්තමේන්තුවේ පැවති කැබිනට් තීරණ දැනුම්දීමේ මාධ්‍ය හමුවේදී අදහස් දක්වමිනි.
ඒ අනූව විදුලිය, පොහොර, ඖෂධ, ආයුර්වේද ඖෂධ, ළදරු කිරි පිටි ආදී භාණ්ඩ විශාල ප්‍රමාණයකට වැට් අයත් නොවන බවද මේ පිළිබඳව විශාල අසත්‍ය ප්‍රමාණයක් පාර්ලිමේන්තුවේ සහ ඉන් පිටත කතා බහට ලක්වූ බවද අවධාරණය කළේය.
එකඟ වූ රාජ්‍ය ආදායම් ඉලක්ක සපුරාගත නොහැකි වීමෙන් අයි එම් එෆ් දෙවනි වාරිකය ලැබීම ප්‍රමාද වූ බව සිහිපත් කළ ජනමාධ්‍ය අමාත්‍යවරයා බලාපොරොත්තු වූ ආදායම එලෙසින්ම නොලැබුණු හෙයින් යම් යම් බදු වල සංශෝධන කිරීමට සිදුවූ බවද ඊයේ වන විට ඒ සියල්ල සම්පූර්ණ කිරීමට හැකිවූ බවද සිහිපත් කළේය.
