ජ්‍යෙෂ්ඨතාවයට හා විශ්‍රාම වැටුපට හානියක් නොවන සේ රාජ්‍ය නිලධාරීන්ට දේශීය හෝ විදේශීය වැටුප් රහිත නිවාඩු ලබා දීම පිළිබඳ අවධානය යොමු කල රාජ්‍ය පරිපාලන,ස්වදේශ කටයුතු පළාත් සභා හා පළාත් පාලන අමාත්‍ය සහ අග්‍රාමාත්‍ය දිනේෂ් ගුණවර්ධන මහතා ඒ සඳහා වන යෝජනාව පසුගිය කැබිනට් මණ්ඩලයට ඉදිරිපත් කරන ලදි.

ඒ පිළිබඳ සළකා බැලූ කැබිනට් මණ්ඩලය මේ සඳහා වන සිය අනුමැතිය ලබා දී ඇත. ඒ අනුව 2023/07/13 දින රාජ්‍ය පරිපාලන චක්‍රලේඛ 14/2022(III) යටතේ රාජ්‍ය පරිපාලන ,ස්වදේශ කටයුතු,පළාත් සභා හා පළාත් පාලන අමාත්‍යංශ ලේකම් කේ.ඩී.එන් .රංජිත් අශෝක මහතාගේ අත්සනින් එකී චක්‍රලේඛය නිකුත් වී තිබේ.