පසුගිය සතියක දී මුදල් අමාත්‍යංශයේ ලේකම් ඇතුළු උසස් නිළධාරීන්, ශ්‍රී ලංකා මහා බැංකුවේ නිළධාරීන්, විසින් ණය ප්‍රතිව්‍යුහගත කිරීම සම්බන්ධව කැබිනට් මණ්ඩලයට යම් යම් පැහැදිළි කිරීම කළ බව අමාත්‍යවරයා මෙහි දී සඳහන් කළ අතර ඇතැමුන් විසින් මවන ලද හිතළු ප්‍රකාශ කිරීමට වඩා ඉතා බැරෑරුම් ජාතික අර්බුදයක් මෙරට තිබෙන බවත්, ජාත්‍යන්තරව ගෙවිය යුතු විදේශ ණය පළමුව ප්‍රතිව්‍යුහගත කළ යුතුව තිබෙන බවත් හෙතෙම අවධාරණය කළේය.
ජාත්‍යන්තරව ගෙවිය යුතු විදේශ ණය ප්‍රතිව්‍යුහගත කිරීම පිළිබඳව මෙන්ම ණය හිමියන් විසින් නඩු පැවරීම වළක්වා ගනිමින් කටයුතු කරන අතරම ඒ සඳහා ප්‍රංශයේ ලසාර්ඩ් සමාගමේ විශේෂඥ සහාය ලබා ගැනීමට කටයුතු කර තිබෙන බවත් අමාත්‍යවරයා මෙහි දී සඳහන් කළේය.
මෙම ජාතික ණය අර්බුදය ගෙවා ගැනීමට තාක්ෂණික කණ්ඩායමක් විසින් අඛණ්ඩ සංවාදයක් කරගෙන යමින් තිබෙන අතරම සුභවාදී ලෙස ණය හිමියන් බොහෝ දෙනකු ණය ප්‍රතිව්‍යුහගත කිරීම සම්බන්ධව යහපත් ප්‍රතිචාර දක්වා තිබෙන බවත් හෙතෙම මෙහි දී වැඩිදුරටත් පැවසීය. පැවසීය.
