ශ්‍රී ලංකා වරලත් ගණකාධිකරණ සංගමය විසින් සංවිධානය කල පළාත් පාලන ආයතන මුල්‍ය කළමනාකරණය පිළිබද ඩිප්ලෝමා පාඨමාලාවේ සහතික පත් ප්‍රධානය නැගෙනහිර පළාත් ආණ්ඩුකාර අනුරාධා යහම්පත් මහත්මියගේ ප්‍රධානත්වයෙන් පසුගිය දා (02) පෙරවරුවේ ත්‍රිකුණාමලය හින්දු සංස්කෘතික ශාලාවේදී පැවැත්විණි.
මෙහිදී පළාත් පාලන නිලධාරීන් 65 දෙනෙකු ඩිප්ලෝමා සහතික පත් ලබාගත්හ.
පළාත් පාලන ආයතනවල නිලධාරීන්ට අවශ්‍ය මුල්‍ය කළමනාකරණය පිළිබද දැනුම සහ ක්‍රම සම්පාදන ක්‍රියාවලිය පිළිබදව පුළුල් අවබෝධයක් ලබාදීම මෙම පාඨමාලාවේදී සිදුකර ඇත.
මේ අවස්ථාවට පළාත් ප්‍රධාන ලේකම් ආර්.එම්.පී.එස්.රත්නායක, ආණ්ඩුකාර ලේකම් එල්.පී.මදනායක, වරලත් ගණකාධිකාරීවරුන්ගේ සංගමයේ සභාපති කනක සභාපති, පළාත් පාලන කොමසාරිස් වී.මනිවන්නන්, පළාත් රාජ්‍ය ප්‍රධානින් ඇතුළු පිරිසක් එක්ව සිටියහ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
