ඊයේ දිනයේ විපක්ෂ නායක සජිත් ප්‍රේමදාස මහතා ජාත්‍යන්තර මූල්‍ය අරමුදල (IMF) සමඟ එළඹුනු ගිවිසුම සම්බන්ධයෙන් ස්ථාවර නියෝග 27/2 යටතේ යොමු කළ ප්‍රශ්නයකට පිළිතුරු දෙමින් රාජ්‍ය අමාත්‍යවරයා මේ බව පැවසීය.
රජය සෑම අවස්ථාවකම මූල්‍ය පද්ධතියේ ස්ථායීතාව ආරක්ෂා කර ගැනීම සඳහා අවශ්‍ය ක්‍රියාමාර්ග කඩිනමින් ගන්නා බවද හෙතෙම සඳහන් කළේය. දේශීය ණය ප්‍රතිසංස්කරණ ක්‍රියාවලියට අදාළ නිර්ණායක තීරණය කිරීම තවම අවසන් කර නොමැති බව පෙන්වා දුන් රාජ්‍ය අමාත්‍යවරයා, ජනතාවට අහිතකර බලපෑම් ඇති නොවන පරිදි එම කටයුතු සිදු කිරීමට රජය පසුබට නොවන බවත්, ජනාධිපති රනිල් වික්‍රමසිංහ මහතා ඊයේ පාර්ලිමේන්තුවේදී සිදු කළ විශේෂ ප්‍රකාශයෙන්ද ඒ බව සඳහන් කර තිබේ.
සුබසාධන ප්‍රතිලාභ සඳහා සුදුසුකම් සපුරා ඇති පුද්ගලයින් සඳහා එම ප්‍රතිලාභ ගෙවීම එළඹෙන ජූලි 01 දා සිට ආරම්භ කරන බවද රාජ්‍ය අමාත්‍යවරයා මෙහිදී සඳහන් කළේය. කාණ්ඩ හතරක් යටතේ දිළිදු පවුල් ලක්ෂ 20 කට නිශ්චිත කාල රාමුවක් සදහා හිමිවන අතර එම තොරතුරු මේ වන විටත් ගැසට් පත්‍ර යේ පළ කර තිබෙන බවද අමාත්‍යවරයා කීය.
තවද මී ළග නව ජන සංගණනයේ මූලික කටයුතු මේ වන විටත් ආරම්භ කර ඇතැයිද හෙතෙම කීය.
