මාධ්‍ය වෙත විශේෂ නිවේදනයක් නිකුත් කරමින් ඒ මහතා මේ බව අද (26) ප්‍රකාශ කළේය. අමාත්‍යවරයා වැඩිදුරටත් මෙසේ ද පැවසීය;
“විදේශ රැකියා වලට පුහුණුව අත්‍යවශ්‍යම කාරණාවක්. විදේශ ගමන් බලපත්‍රය සාදා ගත් පමණින් විදේශ රැකියා වලට යාමට නොහැකියි. රටවල් වලට ගැළපෙන, වෘත්තීන් වලට ගැළපෙන සුදුසුකම් තිබෙනවා
ගෘහ සේවය සඳහා NVQ 03 සහතිකය නොමැතිව මේ වන විට ශ්‍රමිකයින් රට රැකියා වලට යැවීමට කටයුතු කරන්නේ නැහැ. ශ්‍රමිකයින් විදේශ රැකියා වලට යැවීමේ දී අපගේ තත්ත්වය ඉහළ නංවාගැනීමට අවශ්‍යයි.
බොහෝ අය කිසිඳු පුහුණුවක් නොමැතිව රට රැකියා වලට ගොස් අනාථ වීම් අපහසුතාවයන්ට පත් වීම් දක්නට ලැබෙනවා සහ විවිධ ගැටළු මතුවෙනවා. මේ සියල්ල මතු වන්නේ පුහුණුවක් නොමැතිකම නිසාමයි, ඒ නිසාමයි පුහුණුව අනිවාර්ය කර තිබෙන්නේ” යනුවෙනි.
ඒ අනුව, කුමන විදෙස් රැකියාවකට ගියත් ඒ රැකියාවට අදාළ වෘත්තිය පුහුණුව ලබා ගැනීම සිදු කළ යුතු බව මනුෂ නානායක්කාර මහතා වැඩිදුරටත් අවධාරණය කළේය.
