භාණ්ඩ මිල පාලනය කිරීම රජයට කළ හොහැකි බවත්, එය සිදුවනුයේ වෙළඳපොල බලවේග මත බවත්, ඉදිරි වර්ෂ කිහිපය තුළ උද්ධමනය අඩුවනු ඇතැයි මහ බැංකුව ප්‍රකාශ කර ඇති බවත්, කැබිනට් මාධ්‍ය ප්‍රකාශක ප්‍රවාහන සහ ජනමාධ්‍ය අමාත්‍ය ආචාර්ය බන්දුල ගුණවර්ධන මහතා පවසයි.
රජයේ ප්‍රවෘත්ති දෙපාර්තමේන්තු පරිශ්‍රයේ අද(25) පැවති කැබිනට් තීරණ දැනුම්දීමේ මාධ්‍ය හමුවට එක්වෙමින් අමාත්‍යවරයා මේ බව පැවසුවේ උද්ධමනය අඩුවීම භාණ්ඩ මිල අඩුවීම කෙරෙහි බලපෑමක් ඇත්ත යන්න සම්බන්ධයෙන් ජනමාධ්‍යවේදීන් කළ විමසුමකට පිළිතුරු වශයෙනි.
වෙළඳ භාණ්ඩ අඩුවැඩිවීම තුළින් උද්ධමන තත්වය තීරණය කළ නොහැකි බවත්, උද්ධමනය අඩු වැඩිවීම යනු දිගුකාලීන තාක්ෂණික තත්වයක් බවත්, ඉදිරි වර්ෂ කිහිපය තුළදී උද්ධමන තත්වය 12%ක් 15%ක් අතර තත්වයට පත්වනු ඇති බවත්, අමාත්‍යවරයා වැඩිදුරටත් පැවසීය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
