රජයේ ප්‍රවෘත්ති දෙපාර්තමේන්තු පරිශ්‍රයේ අද(25) පැවති කැබිනට් තීරණ දැනුම්දීමේ මාධ්‍ය හමුවට එක්වෙමින් අමාත්‍යවරයා මේ බව පැවසුවේ උපයන විට ගෙවිමේ බදු අඩු කරන්නැයි ඉල්ලමින් මේ වන විට විවිධ පර්ශව ආණ්ඩුවට කරන බලපෑම සම්බන්ධයෙන් ජනමාධ්‍යවේදීන් කළ විමසුමකට පිළිතුරු වශයෙනි.
ජාත්‍යන්තරයට ගෙවිය යුතු ණය සහ පොලිය ගෙවීමේ ක්‍රමවේදයක් සකස් කර ගැනීම මේ වන විට මෙරටට ඇති ප්‍රධාන ඉලක්කයක් බවත්, එය සකසගෙන එතුළින් ඇතිවන ආර්ථික තිරසරබව සමඟ ඉදිරියේදී සහනයක් ලබාදිය හැකි නම් පළමු අවස්ථාවේදීම රාජ්‍ය සේවකයන්ගේ උපයන විට ගෙවීමේ බදු සම්බන්ධයෙන් සහනයක් ලබාදීමට සාකච්ඡා කරන බවත්, අමාත්‍යවරයා පැවසීය.
මෙම අසීරු අවස්ථාවේදී රට සම්පුර්ණයෙන් කඩාවැටීමෙන් මිදීම සඳහා වෙනත් විකල්පයක් නොමැති අවස්ථාවේදී ජාත්‍යන්තර මූල්‍ය අරමුදලේ සහාය ලබා ගැනීමට මුදල් අමාත්‍යවරයා ලෙස ජනාධිපතිවරයා ක්‍රියා කළ බවත්, දීර්ඝ සාකච්ඡා වටයකින් අනතුරුව සහාය ලැබුණු එම ආයතනයේ පළමු කොන්දේසි තුළ කළයුතු තවත් බොහෝ දේ ඇති බවත්, අමාත්‍යවරයා වැඩිදුරටත් පැවසීය.
