ඒ අනුව ඊයේ (29) පෞද්ගලික බස් ගාස්තු සංශෝධනය පිළිබඳ ප්‍රවාහන රාජ්‍ය අමාත්‍ය දිලුම් අමුණුගම මහතා විසින් නව බස් ගාස්තු සංශෝධනය පිළිබඳව පෞද්ගලික බස් රථ හිමියන් සමග විශේෂ සාකච්ඡාවක් ප්‍රවාහන රාජ්‍ය අමාත්‍යාංශයේ දී අමාත්‍යවරයාගේ ප්‍රධානත්වයෙන් පැවැත්වුණි.
මෙහිදී අවම බස් ගාස්තුව රුපියල් 3.00 කින් ජනවාරි මස 05 වන දින සිට වැඩි වන බවත්, (රුපියල් 14.00 ක අවම බස් ගාස්තුව රුපියල් 17.00 ක් දක්වා ) බස්ගාස්තු වැඩිවීම ප්‍රතිශතයක් ලෙස (17.44%) ක් වන බවත්, අකමැත්තෙන් වුවද බස් ගාස්තු වැඩි කිරීමට සිදු වී ඇති බවත් දිලුම් අමුණුගම අමාත්‍යවරයා පවසා සිටී.
එම අවස්ථාව සදහා ප්‍රවාහන අමාත්‍යංශය නියෝජනය කරමින් අමාත්‍යාංශයේ ලේකම් මොන්ටි රණතුංග මහතා ,ජාතික ගමනාගමන කොමිෂන් සභාවේ සභාපති ශෂී වෙල්ගම මහතා ,
බස් හිමියන් නියෝජනය කරමින් පොදුජන පෞද්ගලික බස්රථ හිමියන්ගේ සංගමයේ සභාපති සම්පත් රණසිංහ, ලංකා පෞද්ගලික බස් රථ හිමියන්ගේ සංගමයේ සභාපති ගැමුණු විජේරත්න, අන්තර් පළාත් පෞද්ගලික බස් රථ සංගමයේ සභාපති සරත් විජිත කුමාර මහතා සහභාගී විය.
