කටුනායක ගුවන් තොටුපොළෙහි පී සී ආර් පරීක්ෂණාගාරය වසා නොමැති බවත්, එය වසා ඇතැයි කීම සම්පූර්ණ අසත්‍යයක් බවද ගුවන් තොටුපොළ හා ගුවන්සේවා සමාගමේ උප සභාපති රවී සූරියආරච්චි මහතා සදහන් කළේය.
මාධ්‍ය වෙත අදහස් දක්වමින් ඔහු මේ බව කියා සිටියේය.
මෙය ඉතා විශාල, යන්ත්‍රානුසාරයෙන් සිදුකරන ක්‍රියාවලියක් බවද, එම නිසා ආරම්භයේ දී යම් තාක්ෂණික දෝෂ ඇතිවිය හැකි බව පෙන්වා දෙමින් ඔහු කියා සිටියේ, මේ අවස්ථාවේ යම් තාක්ෂණික දෝෂයක් මතුව ඇති අතර එය නිවැරදි කරගැනීමට අවශ්‍ය බලධාරීන් කටයුතු කරගෙන යන බවයි.
එමෙන්ම ලංකාවට පැමිණෙන මගීන්ට කිසිදු අපහසුතාවයක් ඇති නොවන පරිදි සියලුම පරීක්ෂණ ගුවන්තොටුපොළ තුළ සිදුකරන බවද ඔහු අවධාරණය කළේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
