ආනයනික සීනි සම්බන්ධයෙන් රජය දී ඇති උපරිම මිල ඉක්මවා විකිණීම කරන සියලු දෙනාට තරාතිරම නොබලා දඬුවම් දෙන බවත්, සීනි මිළ ස්ථාවරව පවත්වා ගැනීමට කටයුතු කරන බවත්, උක්, බඩ ඉරිඟු, කජු, ගම්මිරිස්, කුරුඳු, කරාබුනැටි, බුලත් ඇතුළු කුඩා වැවිලි භෝග වගා සංවර්ධනය, ආශ්‍රිත කර්මාන්ත හා අපනයන ප්‍රවර්ධන රාජ්‍ය අමාත්‍ය ජානක වක්කුඹුර මහතා පවසයි.
ආනයනික සීනි සම්බන්ධයෙන් වන රජයේ තීරණය දැනුම් දෙමින් මාධ්‍ය ඉදිරියේ අමාත්‍යවරයා මේ බව පැවසීය.
තමන් සමූපකාර සමිති සඳහා ප්‍රමාණවත් ලෙස සීනි ලබාදීමට කටයුතු කරන බවත්, සාමාන්‍ය ජනතාවට නිසි මිලට සීනි ලබාදීමට හැකි සියලු මාර්ග විවෘත කරන බවත්, අමාත්‍යවරයා පැවසීය.
ඒ අනුව දේශීය සීනි රුපියල් 125ක් ලෙසද ආනයනික තොග සීනි 116ක් ලෙසද ලබාදීමට කටයුතු කරන බව අමාත්‍යවරයා පැවසීය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
