ඒ අනුව ග්‍රාමීය ජනතාවගේ දහසක් බලාපොරොත්තු මල්ඵලගන්වමින් ජනපතිතුමාගේ පදවි ප්‍රාප්තියට වසරක් පිරීම සනිටුහන් කරමින් සෞඛ්‍ය අමාත්‍ය පවිත්‍රා වන්නිආරච්චි මහත්මියගේ දේශපාලන නායකත්වය යටතේ සබරගමුව පළාතේ ඇහැළියගොඩ ආසනයේ ග්‍රාමීය මාර්ග සංවර්ධනයට ද මේ වන විටත් පියවර ගෙන ඇත. සබරගමුව පළාතේ හේවායින්න නාගහවත්ත මාර්ගයේ සහ බෙලිගස්හංදිය - පලීගල මාර්ගයේ සංවර්ධන කටයුතු ආරම්භ කෙරිනි.
හේවාහින්න නාගහවත්ත මාර්ගය කිලෝමීටර් 2.5 ක් කාපට් කිරීමේ ව්‍යාපෘතිය (රු:77,996,352.00 හත්කෝටි අනූනව ලක්ෂ තුන්සිය පනස් දෙකක්) හීනැටිදෙනිය හංදියේ දී ආරම්භ වූ අතර, බෙලිගස්හංදිය - පලීගල මාර්ගය කිලෝමීටර් 1.1 ක් කාපට් කිරීමේ ව්‍යාපෘතිය (රු:34,423,639.60 තුන්කෝටි හතලිස්දෙලක්ෂ තිස් හයදාස් තිස්නවය) බෙලිගස් හංදියේ දී ආරම්භ විය.
මෙම මාර්ග සංවර්ධන ව්‍යාපෘති ආරම්භ කරන ලද්දේ සබරගමු පළාත් සභා සභාපති කංචන ජයරත්න මැතිතුමාගේ ප්‍රධානත්වයෙන් වන අතර, ඒ මහතා සංවර්ධන කටයුතු ආරම්භ කරමින් ප්‍රකාශ කරන ලද්දේ රට විනාශ කළ බලවේග පරදා ජනතාවාදී රජයක් බිහිව ඇති බවත්, සබරගමුව පළාතේ අනෙකුත් ග්‍රාමීය මාර්ග රාශ්‍රියක් ද සංවර්ධනය සදහා අවශ්‍ය කටයුතු මේ වනවිටත් සුදානම් කොට ඇති බවයි. එමෙන්ම සෞඛ්‍ය අධ්‍යාපන ඇතුලු අනෙකුත් සියළු අංශ සංවර්ධනය සදහා ද රජය කටයුතු සිදු කරන බව ද පැවැසීය.
මෙම අවස්ථාවට සබරගමු පළාත් සභාවේ සභාපති කංචන ජයරත්න මහතා, හේවාහින්න/බටහිර කලටුවාව පොදුජන පෙරමුණ ප්‍රාදේශීය මන්ත්‍රී ආරියවංශ පල්ලේවල මහතා, සබරගමුව පළාත් සභාවේ හිටපු මන්ත්‍රී නමින් ද අනුරප්‍රිය මහතා, ප්‍රාදේශීය සභා සහ පළාත් සභා මන්ත්‍රීවරු ඇතුලු ප්‍රදේශවාසීන් එක්ව සිටියහ
