පාර්ලිමේන්තු මැතිවරණය ප්‍රකාශයට පත් කොට ඇති කාලය තුළ ආගමික ස්ථානවල දේශපාලන රැස්විම් පැවැත්වීමට හා ආගමික උත්සවවල දී ඡන්ද අපේක්ෂකයින් වෙනුවෙන් ප්‍රවර්ධන කටයුතු කිරීම සම්පුර්ණයෙන් ම තහනම් බව මැතිවරණ කොමිසමේ සභාපති මහින්ද දේශප්‍රිය මහතා පවසයි.
1981 පාර්ලිමේන්තු මැතිවරණ පනතේ 79 වැනි වගන්තියේ දැක්වෙන අයුතු බලපැම් යන ඡේදය යටතේ මෙම කටයුතු තහනම් වන බව ඒ මහතා පැවසුවේ අද (03) පෙරවරුවේ මහනුවර දී මල්වතු හා අස්ගිරි මහ නාහිමිවරුන් බැහැ දැකීමෙන් පසු මාධ්‍යවේදීන් අමතමිනි.
ආගමික ස්ථානවල පැවැත්වෙන ආශීර්වාද පූජාවන් ,යාඥාවන්හා දේව මෙහෙයන් හිදී දේශපාලන ප්‍රවර්ධන කටයුතු තහනම් වුවද,භික්ෂුන් වහන්සේලාට,පූජකවරැන්ට,මව්ලවිවරුන්ට හා කුරුක්කල් වරැන්ට දේශපාලන අයිතිය තිබෙන බැවින් දේශපාලන කටයුතුවල යෙදීමට ඔවුන්ට බාධාවක් නැති බවද දේශප්‍රිය මහතා කීය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
