2018 වසරේ හොඳම ශ්‍රී ලාංකික වෙබ් අඩවිය තෝරාගැනීමේ සම්මාන උළෙලේ දී ( Best Web.lk) රජයේ ප්‍රවෘත්ති දෙපාර්තමේන්තුව යටතේ ක්‍රියාත්මක වන රජයේ නිලපුවත් වෙබ් අඩවිය (www.news.lk) රිදී සම්මානය හිමි කර ගැනීමට ඊයේ (18) සමත් විය.
කොළඹ ගලදාරි හෝටලයේ දී ඊයේ (18) රාත්‍රියේ දී සම්මාන උළෙල වර්ණවත්ව පැවැත්විණි.
Media,Sports and Entertainment Website කාණ්ඩය යටතේ මෙම රිදී සම්මානය හිමිව ඇත. news.lk අඛණ්ඩව දෙවන වරටත් සාම්මානය හිමිකරගැනීමට සමත්වීම විශේෂත්වයකි. මෙම තරඟාවලිය LK domain Registry ආයතනය මඟින් වාර්ෂිකව සංවිධාන කරනු ලබයි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
