මේ සඳහා 2017 ජනවාරි 01 දිනට වාර්ෂික පිරිවැටුම රු. මිලියන 750 ට අඩු සහ සේවක සංඛ්‍යාව 300 ට අඩු සුළු හා මධ්‍ය පරිමාණ කර්මාන්තවලට ISO 9001, ISO 14001, ISO 22000, ISO 50001 ජාත්‍යන්තර සහතිකලබා ගැනීම සඳහා අනුග්‍රහය ලබා දීමට සැලැසුම් කර ඇත.
මේ අනුව තෝරාගත් කර්මාන්ත සඳහා උපරිමය රු. 200,000/- දක්වා සහතිකපත් ගාස්තු ගෙවීම් කරන අතර අදාල සහතිකපත් ඉදිරිපත් කිරීමෙන් අනතුරුව අදාල ගාස්තු ප්‍රතිපූර්ණය කරනු ලැබේ. රජයේ පිළිගත් ආයතනයකින් උපදේශන සේවා ලබාගන්නේ නම් උපදේශන සේවා ගාස්තු උපරිමය රු. 100,000/- දක්වා ප්‍රතිපූර්ණය කිරීමේ පදනම මත ගෙවීම් කරනු ලැබේ. සහතිකපත් ක්‍රියාවලිය සිදුවන කාලය තුළ අඛණ්ඩ උපදේශන සේවා සැපයීමද කරනු ලැබේ.
මේ පිළිබඳ ව වැඩි විස්තර සඳහා කර්මාන්ත හා වාණිජ කටයුතු අමාත්‍යංශය දුරකතන අංක 0112 422 319, 0112 432 750 ඇමතීමෙන් හෝ www.industy.gov.lk මඟින් හෝ ලබාගත හැක.
තවද ගම්පහ දිස්ත්‍රික්කයේ පිහිටා ඇති කර්මාන්ත සඳහා මේ පිළිබඳ ව වැඩිදුර විස්තර දැනගැනීමට අවශ්‍ය වේ නම්, ලංකා කාර්මික සංවර්ධන මණ්ඩලය, කච්චේරිය, ගම්පහ යන ලිපිනයෙන් හෝ කාර්යාලයට පැමිණ හෝ 0332 222 909 ට ඇමතීමෙන් හෝ idbgampaha@gmail ට ඊ මේල් පණිවිඩයක් දීමෙන් හෝ ලබා ගත හැකිය.
