දිවයින අවට පවතින තරංගාකාර කැළඹිලි ස්වභාවය දිවයිනේ සහ දිවයින අවට මුහුදු ප්‍රදේශවල කාලගුණ තත්ත්වයට බලපෑම් ඇති කරන අතර මේ හේතුවෙන් දිවයිනේ සහ දිවයිනට යාබද මුහුදු ප්‍රදේශවල වැසි සහ සුළං තත්ත්වය තවදුරටත්අපේක්ෂා කළ හැකි බව කාලගුණවිද්‍යා දෙපාර්තමේන්තුව සඳහන් කරයි.
දිවයිනේ බොහෝ පළාත්වල වැසි හෝ ගිගුරුම් සහිත වැසි ඇතිවේ. දිවයිනේ නැගෙනහිර කොටසේ සමහර ස්ථාන වලට ඉතා තද වැසි (මි.මී.150 පමණ) ද, සෙසු ප්‍රදේශවල සමහර ස්ථාන වලට තද වැසි ( මි.මී.100 පමණ) ද බලාපොරොත්තු විය හැක.
දිවයින හරහා විටින් විට හමන (පැ.කි.මී. 40-50ක පමණ) තරමක් තද සුළං බලාපොරොත්තු විය හැක.
ගිගුරුම් සහිත වැසි ඇති වන විට එම ප්‍රදේශවල තාවකාලිකව තද සුළං ඇති විය හැක. අකුණු මඟින් සිදුවන අනතුරු අවම කර ගැනීමට අවශ්‍ය පියවර ගන්නා ලෙස එම දෙපාර්තමේන්තුව ජනතාවගෙන් ඉල්ලා සිටී.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
