ශ‍්‍රී ලංකා ගුවන් හමුදා සේවා වනිතා ඒකකයේ සංකල්පයකට අනුව සංවිධානය කරන ලද 2016 වසරේ දී ශිෂ්‍යත්ව විභාගයෙන් විශිෂ්ට ප‍්‍රතිඵල ලබාගත් ගුවන් හමුදා සාමාජික සාමාජිකාවන්ගේ හා ගුවන් හමුදා සිවිල් සේවක මහත්ම මහත්මීන්ගේ සිසු දරු දැරියන් ඇගයීමේ උත්සවයක් ගුවන් හමුදාධිපති එයාර් මාර්ෂල් කපිල ජයම්පති මහතාගේ ප‍්‍රධානත්වයෙන් පසුගියදා ගුවන් හමුදා මූලස්ථානයේදී පැවැත්විණි.
මෙහිදී ශිෂ්‍යත්ව විභාගයෙන් ලකුණු 170ට වැඩියෙන් ලබා විශිෂ්ට දක්ෂතා දැක්වූ සිසු දරු දැරියන් අසූ දෙදෙනෙකු 82 සඳහා ගුවන් හමුදා සේවා වනිතා ඒකකය මගින් මුදල් ආධාර ලබාදීම සිදු විය.
මෙම අවස්ථාව සඳහා ගුවන් හමුදා මාණ්ඩලික ප‍්‍රධානී එයාර් වයිස් මාර්ෂල් ඩී. එල්. එස්. ඩයස් ගුවන් හමුදා අධ්‍යක්ෂක මණ්ඩලයේ නිළධාරීන් ගුවන් හමුදාසේවා වනිතා ඒකකයේ සාමාජිකයින් ගුවන් හමුදා සාමාජික සාමාජිකාවන් සිවිල් සේවක මහත්වරුන් ඇතුළු දූ දරුවන් පිරිසක් සහභාගී වූහ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
