ජාත්‍යන්තර වෙරළ පවිත්‍ර කිරීමේ දිනය ලෝකයේ රටවල් රැසක් අද සිට ක්‍රියාත්මක කරයි. අද (19) ආරම්භ කෙරෙන වෙරළ පවිත්‍ර කිරීමේ වැඩසටහන දින පහක් පුරා ක්‍රියාත්මක වන බව සමුද්‍රීය පරිසර ආරක්ෂණ අධිකාරියේ සභාපති රංජිත් මීගස්වත්තේ මහතා පවසයි.
ජනාධිපති ලේකම් කාර්යාලය, මහවැලි සංවර්ධන හා පරිසර අමාත්‍යාංශය,සමුද්‍රීය පරිසර ආරක්ෂණ අධිකාරිය මෙම වැඩපිළිවෙල
සංවිධානය කර තිබෙන අතර ත්‍රිවිධ හමුදාව, පොලීසිය, රාජ්‍ය හා රාජ්‍ය නොවන සංවිධාන රැසක් මේ සඳහා දායකත්වය ලබා දී තිබේ.
වෙරළ පවිත්‍ර කිරීමේ ජාතික උත්සවය සඳහා මහනගර හා බස්නාහිර නාගරික සංවර්ධන අමාත්‍ය පාඨලී චම්පික රණවක, බස්නාහිර පළාත් අමාත්‍ය ඉසුරු දේවප්‍රිය යන මහත්වරු ද ජනාධිපති ලේකම්, පී.බී.අබේකෝන් මහතා, ආරක්ෂක ලේකම් කරුණාසේන හේට්ටිආරච්චි මහතා, මහවැලි සංවර්ධන හා පරිසර අමාත්‍යාංශ ලේකම් උදය ආර්. සෙනෙවිරත්න මහතා ඇතුළු රජයේ නිලධාරීහු රැසක් එක්ව සිටිය හ.
