ලෝකයේ වැඩිවෙමින් පවතින කෝපි ඉල්ලුමට සරිලන ලෙස කෝපි නිෂ්පාදනය වැඩි කිරිම
සඳහා කෘෂීකර්ම අමාත්‍යංශය පියවර රැසක් ගෙන ඇත. ඉන් එක් පියවරක් ලෙස මෙම දැනුවත්
කිරිමේ වැඩ සටහන් පවත්වන බව අපනයන කෘෂිකර්ම දෙපාර්තමේන්තුවේ අධ්‍යක්ෂ ජනරාල්
එන්.කේ.ඒ රූපසිංහ මහතා පවසයි.
මේ වන විට හෙක්ටයාර් 6134 ක භූමි ප්‍රදේශයක කෝපි වගාව ව්‍යාප්තවී ඇත. කෝපි ප්‍ර‍භේද
අතරින් ඇරබිකා කෝපි ප්‍රභේදයට ලෝකයේ වැඩි ඉල්ලුමක් පවතින බැවින් මේ වර්ගය ව්‍යාප්ත
කිරිම කෙරේ වැඩි අවධානයක් යොමු කර ඇති බවද රූපසිංහ මහතා තවදුරටත් පැවසීය.
ඇරබිකා කෝපි විශේෂය මුහුදු මට්ටමේ සිට මීටර් 1800 දක්වා වු උසින්වු නුවරඑළිය වැනි
ප්‍ර‍දේශයන්හි වගාකෙරේ. අක්කර 1/4 ට වැඩි භුමි ප්‍රමාණයන්හි කෝපි වගාකරන්නන් සඳහා
ආධාර ලබා දීමටද අපනයන කෘෂිකර්ම දෙපාර්තමේන්තුව පියවර ගෙන ඇත.
AP
