ජනාධිපති මහින්ද රාජපක්ෂ මැතිතුමාගේ ජන්ම දිනය හා පදවි ප්‍රාප්තියත් විදුලිබල හා බලශක්ති නියෝජ්‍ය අමාත්‍ය ප්‍රේමලාල් ජයසේකර මහතාගේ ජන්ම දිනයත් නිමිත්තෙන් ආශිර්වාද පහන් පූජා පිංකමක් ඓතිහාසික සංඛපාල රජමහා විහාරස්ථානයේදී පැවැත්විණි.
සංඛපාල රජමහා විහාරාධිකාරී පූජ්‍ය කොළඹගේආර ආනන්ද හිමියන්ගේ හා විහාර භාරකාර කොකාවල කෝසල හිමියන්ගේ අනුශාසනා පරිදි තිඹොල්කැටියේ නාගිත ස්වාමීන් වහන්සේ විසින් පහන් පූජාව මෙහෙයවනු ලැබීය.
මීට සමගාමී ව සංඛපාල විහාරස්ථානයේ බාහිර විදුලි ආලෝක පද්ධතිය විවෘත කිරීමත් ගැබිනි මාතාවන් සඳහා සහනාධාර ප්‍රදානයත් සිදු කෙරිණි.
විදුලිබල නියෝජ්‍ය අමාත්‍ය ප්‍රේමලාල් ජයසේකර, සබරගමුව පළාත් සභා අමාත්‍ය රංජිත් බණ්ඩාර යන මහත්වරු මේ අවස්ථාවට එක්ව සිටියහ.
NDH/HC
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
