මෙම පිරිස ඉතා උණුසුම් අයුරින් පිළිගත් යුද හමුදාපතිතුමා, ඔවුන් විසින් රට වෙනුවෙන් කළ අනගි සේවය මහත් ඇගයීමට ලක් කරන ලදී. මෙම අවස්ථාවට විශ්‍රාමිකයන්ගේ සංගමයේ සභාපති බ්‍රිගේඩියර් (විශ්‍රාමික) කේ.ඒ.ගුණවීර මහතා ද එක්ව සිටියේය.
සේවයෙන් විශ්‍රාම ගොස් සිටිය ද ඔවුන් තුළ ඇති ඉමහත් දැනුම් සම්භාරය, තාක්ෂණික ඥානය මෙන් ම අත්දැකීම් තුළින් යුද හමුදාවට මහත් සේවයක් කළ හැකි බව අවධාරණය කළ යුද හමුදාපතිතුමා, නිවාස ණය, යහසාධක අරමුදල, වෘත්තිය පුහුණු පහසුකම්, නවීන සෞඛ්‍ය පහසුකම්, ගමනාගමන පහසුකම් වැනි වරප්‍රසාද මොවුන්ට ද හිමිවෙන බව මෙහිදී පැවසීය. ජාතියේ ආරක්ෂකයන් ලෙස ඉදිරියට යන ගමනේ දී එක්ව කටයුතු කිරීමේ අගය පිළිබඳව ද තවදුරටත් අවධාරණය කෙරිණි.
NDH/army.lk
