එහි ප්‍රධාන උත්සවය මහනුවර ශ්‍රී දළදා මාලිගාව කේන්ද්‍ර කර ගනිමින් පැවැත්වීමට නියමිතය. ඒ අනුව ලබන 17 වැනි දින මහනුවර දළදා මාලිගාවේදී සර්ව රාත්‍රික පරිත්‍රාණ ධර්ම දේශනාවක් පවත්වා පසුදින දානමය පුණ්‍යකර්මයක් සිදු කිරීමට නියමිතය.
මධ්‍යම පළාත් ආණ්ඩුකාර ටිකිරි කොබ්බෑකඩුව මහතා ඇතුළු මහජන නියෝජිතයන් රැසකගේ ප්‍රධානත්වයෙන් පවත්වන මෙම වැඩසටහනට සමගාමී ව දිස්ත්‍රික්කයේ සෑම ප්‍රාදේශීය ලේකම් කොට්ඨාසයක් මුල් කරගෙන සර්ව ආගමික වැඩසටහන් රැසක් සංවිධානය කොට තිබේ.
මහනුවර දිස්ත්‍රික් ලේකම් කාර්යාලය මඟින් දළදා මාලිගාවේ පැවැත්වෙන ප්‍රධාන උත්සවය සංවිධානය කරන අතර ප්‍රාදේශීය ලේකම් කාර්යාලවල මූලිකත්වයෙන් සෙසු උත්සව සංවිධානය කෙරෙනු ඇත.
NDH/TA-dmu kandy
