සමස්ත තරගාවලිය විවාද (සමූහ), භක්ති ගීත ගායනා (සමූහ), හා බොදු ගී ගායනා (ඒකල) යනුවෙන් තරග අංශ තුනකින් සමන්විත වේ. ඒ අනුව පළමු දිනයේ දී බොදු ගී ගායනා (ඒකල) හා විවාද (සමූහ) යන තරග අංශත්, දෙවන දිනයේ දී භක්ති ගීත (සමූහ) යන තරග නාරාහේන්පිට, කිරිමණ්ඩල මාවත සුජාතා බාලිකා විද්‍යාල පරිශ්‍රයේ දී පැවැත්විණි.
තරගාවලිය මූලික වට හතරකින් පැවැත්වෙන අතර අවසන් මහා තරගය දෙසැම්බර් මස අග දී පැවැත්වීමට නියමිතය. ජයග‍්‍රාහකයන් සඳහා වටිනා ත්‍යාග හා සහතිකපත‍්‍ර ප‍්‍රදානය කෙරෙන අතර තරග ඉසව් සඳහා තරගකරුවන් සහභාගී කරවන සියලුම දහම් පාසල් වෙත සහභාගීත්වය වෙනුවෙන් පරිගණකයක් ද ඉදිරිපත් වන සියලු ම සිසුන් සඳහා සහතික පත‍්‍රයක් ද පිරිනැමේ.
පූජ්‍ය රඹුක්කන සිද්ධාර්ථ හිමිපාණන් වහන්සේ, තිඹිරිගස්යාය ශාසනාරක්ෂක බල මණ්ඩලයේ ලේඛකාධිකාරී පූජ්‍ය වැලිමඩ ශාන්ත නාහිමිපාණන් වහන්සේ ඇතුළු ස්වාමීන් වහන්සේ, ප්‍රදීපාලෝක පදනම නිර්මාතෘ, ශ්‍රීලනිප නැගෙනහිර කොළඹ ප්‍රධාන සංවිධායක ප්‍රදීප් ගුණවර්ධන, විශාරද ජගත් වික්‍රමසිංහ , විශාරද චම්පා කල්හාරි, හර්ෂණ දිසානායක මහත්ම මහත්මීහු ඇතුළු සම්භාවනීය අමුත්තන් රැසක් හා දහම් පාසැල් දරු දැරියන් හා දෙමාපියවරු විශාල පිරිසක් මෙම අවස්ථාවට එක්ව සිටියහ.
DB
