මහින්ද චින්තන ඉදිරි දැක්මේ දැක්වෙන ප්‍රාසාංගික කලා මධ්‍යස්ථාන වැඩිදියුණු කිරීම යටතේ, නාට්‍යකරුවන්ගේ අවශ්‍යතා අනුව ජෝන් ද සිල්වා සමරු රඟහල ඉදිකිරීමට කිරීමට සංස්කෘතික හා කලා කටයුතු අමාත්‍යංශය හා සංස්කෘතික කටයුතු දෙපාර්තමේන්තුව පියවර ගෙන ඇත.
ජෝන් ද සිල්වා සමරු රඟහල වර්තමානයට නොගැළපුණ නිසා ඉවත් කළ අතර නාට්‍ය ශිල්පීන්ගේ හා ප්‍රේක්ෂක ජනතාව‍ගේ අවශ්‍යතා අනුව ඉදිරි වර්ෂ 50ක කාලයට ගැළපෙන පරිදි ජෝන් ද සිල්වා සමරු රඟහල ඉතා ඉක්මනින් අති නවීන තාක්ෂණයෙන් යුක්ත ව ඉදිකොට නාට්‍යකරුවන්ට ලබාදීමට සංස්කෘතික කටයුතු දෙපාර්තමේන්තුව කටයුතු කරනු ලැබේ.
රුපියල් මිලියන 450ක් වියදමින්, වසර දෙකකින් වැඩ නිම කිරීමට සැලසුම් කර ඇති ජෝන් ද සමරු රඟහල නවීන තාක්ෂණික උපකරණ හා පහසුකම් සහිතව ඉදිකිරීමටත්, ආසන 800කින් යුතු ප්‍රධාන රංගශාලාව (රංගශාලාව ආසන 550, බැල්කනිය ආසන 250) බ්ලැක්ස් බොක්ස් රංග ශාලාව (ආසන 200), නේපත්‍යාගාර, වැසිකිළි පද්ධතිය, විශාල වේදිකාව, අති නවීන වායුසමීකරණ, ආරක්ෂක හා ජලනළ පද්ධතිය, මහල් 4කින් යුත් නව කාර්යාල සංකීර්ණයක් , නව ආපන ශාලාවක් හා රථගාලක් අලුතින් ඉදිකිරීමටත් නියමිත ය.
DB
