සමස්ත තරගාවලිය තරග අංශ තුනකින් සමන්විත වේ.  විවාද (සමූහ), භක්ති ගීත ගායනා (සමූහ) හා බොදු ගී ගායනා (ඒකල) යනු එම තරග අංශ තුනයි. ඒ අනුව විවාද තරග ලබන 8 වන දිනත්, බොදු ගී ගායනා හා භක්ති ගීත (ඒකල / සමූහ) තරග ලබන 09 වන දිනත් දවස පුරා නාරාහේන්පිට, කිරිමණ්ඩල මාවතේ, සුජාතා බාලිකා විද්‍යාල පරිශ්‍රයේදී පැවැත්වේ.

දහම් පාසල් සිසු දරු දැරියන්ගේ තර්කන හා කථන හැකියාවන් ඔප්නංවාගැනීම සඳහා මෙන් ම බුද්ධාලම්බනය හා ශාසනාලය පුබුදුවාලමින්, දරුවන් තුළ සුභාවිත ගීතයන් පිළිබඳ ව ඇල්ම ඉහළ නැංවීම මෙම තරගාවලියෙන් අපේක්ෂිතය. තරගාවලිය මූලික වට හතරකින් පැවැත්වෙන අතර අවසන් මහා තරගය දෙසැම්බර් මස අගදී පැවැත්වීමට නියමිතය.

ජයග‍්‍රාහකයන් සඳහා වටිනා ත්‍යාග හා සහතිකපත‍්‍ර ප‍්‍රදානය කෙරෙන අතර තරග ඉසව් සඳහා තරගකරුවන් සහභාගී කරවන සියලු ම දහම් පාසල් වෙත සහභාගීත්වය වෙනුවෙන් පරිගණකයක් ද ඉදිරිපත් වන සියලු ම සිසුන් සඳහා සහතිකපත‍්‍රයක් ද පිරිනැමේ.

NDH