මෙම ආගමික වැඩසටහන් මාලාවේ පළමු අදියර ඇඹිලිපිටිය, පැල්මඩුල්ල සහ රත්නපුර යන දිස්ත්‍රික්කයන්හි ආරම්භ කරනු ඇත.
මෙම සුමධුර ධර්ම දේශනයන් සහ ආශිර්වාද පූජාවන් විචිත්‍ර ධර්ම කථික පුජ්‍ය උඩුවේ ධම්මාලෝක ස්වාමීන් වහන්සේ ප්‍රධාන, පූජ්‍ය දොඩම්පහළ රාහුල ස්වාමීන් වහන්සේ සහ පූජ්‍ය අගලකඩ සිරිසුමන ස්වාමීන් වහන්සේලා විසින් මෙම මස 07, 08 සහ 09 යන දිනයන්හි ඇඹිලිපිටිය මහවැලි ක්‍රීඩාංගණයේදී පැවැත්වීමට නියමිතය.
මීට අමතරව හම්බන්තොට, බදුල්ල, අම්පාර, මොනරාගල, ගාල්ල, මාතලේ, පොලොන්නරුව, ත්‍රීකුණාමලය, වව්නියාව, අනුරාධපුරය, කුරුණෑගල, හෝමාගම, කැස්බෑව, අවිස්සාවේල්ල, ගම්පහ සහ කඩුවෙල යන ප්‍රදේශයන් හි ද ඉදිරියේ දී ධර්ම දේශනා පවත්වනු ඇත.
යුද හමුදාපති ලුතිතන් ජෙනරාල් දයා රත්නායකගේ අධීක්ෂණය යටතේ “සම්මාභිමානී” වැඩසටහන් මාලාව සඳහා සිවිල් සමාජය ම ආවරණය වන පරිදි පාසල් ළමුන් සහ රාජ්‍ය සේවයේ නියුතු අය සහ බන්ධනාගාර රැඳවියන් ද සහභාගී කරවීමට නියමිතය.
NDH/army.lk
