වරාය සහ නාවික අමාත්‍ය අර්ජුන රණතුංග මහතාගේ සංකල්පයක් අනුව ක්‍රියාත්මක මෙම වැඩසටහනෙහි මූලික ඉලක්කය වරාය සේවක සේවිකාවන්ගේ දරුවන්ගේ දක්ෂතා වර්ධනය කිරීමයි.
ශ්‍රී ලංකා වරාය අධිකාරිය ලෝක ළමා දිනය සමරන පළමු අවස්ථාව මෙයයි. වයස අවුරුදු 09 ත් 12 ත් අතර කුඩා දරු දැරියන් පන්දහසකට අධික ප්‍රමාණයක් සඳහා මෙම සැමරුම් උත්සවයට ආරාධනා කර තිබේ. මෙම සැමරුම් උත්සවය සඳහා සහභාගීවන සෑම දරුවකු සඳහාම තිළණ ප්‍රදානය කිරීමද විශේෂත්වයකි. එය වරාය සහ නාවික නියෝජ්‍ය අමාත්‍යවරයා සහ ශ්‍රී ලංකා වරාය අධිකාරියේ සභාපතිවරයාගේ සුරතින් සිදුකෙරේ.
මෙම දරුවන්ට සමුද්‍රීය ක්ෂේත්‍රයේ පැරණිතම කෞතුකාගාරය වූ ශ්‍රී ලංකා වරාය අධිකාරියේ සමුද්‍රික කෞතුකාගාරය නැරඹීමේ අවස්ථාව ද උදාවනු ඇත.
AP
