නෙදර්ලන්ත - ශ‍්‍රී ලංකා සංස්කෘතික උරුම සුහදතා වැඩසටහන යටතේ ඉංග‍්‍රිසි භාෂාවෙන් මුද්‍රණය කර ඇති මෙම කෘතිය එළිදැක්වීම අධ්‍යාපන අමාත්‍ය අකිල විරාජ් කාරියවසම් මහතාගේ ප‍්‍රධානත්වයෙන් පසුගිය දා ජාතික ලේඛනාරක්ෂක දෙපාර්තමේන්තු පරිශ‍්‍රයේ දී පැවැත්විණි.
මෙම අවස්ථාවට නෙදර්ලන්ත තානාපති ජෝනි ඩෝර්නිවාර්ඩ් (Joanne Doornewaard) මහත්මිය විශේෂ ආරාධිත අමුත්තා ලෙස සහභාගී වූවාය.
ඓතිහාසික මෙන්ම පර්යේෂණාත්මක වටිනාකමින් යුත් මෙම කෘතියෙහි ඉංග්රීසි පරිවර්තනය සිදුකරන ලද්දේ මහාචාර්ය කේ.ඩී. පරණවිතාන මහතා විසිනි.
18 වැනි සියවසට පෙර එනම්, ලන්දේසි පාලන සමයෙහි මෙරට විසූ ජනතාවගේ ජීවන රටාව, සංස්කෘතිය, සහ පරිපාලන තත්ත්වය ඇතුළු ලංකා ඉතිහාසය පිළිබඳ තොරතුරු රැසක් මෙම කෘතිය මගින් අනාවරණය කර ඇත.
