මේ සම්බන්ධයෙන් පසුගියදා අධ්‍යාපන අමාත්‍ය අකිල විරාජ් කාරියවසම් මහතා සහ නෙදර්ලන්ත තානාපති Jonne Doonewaard මහත්මිය අතර හමුවක් අධ්‍යාපන අමාත්‍යාංශයේ දී පැවැත්විණි. මෙහිදී අදාළ සංරක්ෂණ කටයුතු සඳහා අවශ්‍ය තාක්ෂණික සහාය ලබාදීමටත්, ඒ සඳහා අවශ්‍ය පුහුණුව ලබාදීමටත් නෙදර්ලන්ත රජය වෙනුවෙන් නෙදර්ලන්ත තානාපතිවරිය ඉදිරිපත් විය.
ශී‍්‍ර ලංකාවේ ඇති පුරාවිද්‍යාත්මක වැදගත්කම සහ පුරාවිද්‍යා සංරක්ෂණ කටයුතු සඳහා අධ්‍යාපන අමාත්‍ය අකිල විරාජ් කාරියවසම් මහතා ගෙන ඇති පියවර ද මෙහිදී නෙදර්ලන්ත තානාපතිවරියගේ ඇගයීමට ලක්විය.
මෙම හමුවේ දී නෙදර්ලන්ත රජය ලබා දෙන සහයෝගය පිළිබඳ ස්තුතිය පළ කළ අධ්‍යාපන අමාත්‍ය අකිල විරාජ් කාරියවසම් මහතා නෙදර්ලන්ත තානාපතිවරිය වෙත සමරු තිළිණයක් ද ප‍්‍රදානය කරනු ලැබීය.
මෙම අවස්ථාවට පුරාවිද්‍යා දෙපාර්තමේන්තුවේ අධ්‍යක්ෂ ජනරාල් ප‍්‍රිශාන්ත ගුණවර්ධන මහතා, කි‍්‍රයාකාරී අධ්‍යක්ෂ කරුණාරත්න හේරත් මහතා ඇතුලු පිරිසක් එක්ව සිටියහ.
