පොලිස් නිලධාරීන්ට ලබා දෙන පුහුණුව විධිමත් කළ යුතු බවත් ඔවුන්ට ආත්මාරක්ෂක වැඩපිළිවෙළක් ඇති කළ යුතු බවත් බුද්ධශාසන හා ආගමික කටයුතු පිළිබඳ නියෝජ්‍ය අමාත්‍ය එම්.කේ.ඒ.ඩී.එස්. ගුණවර්ධන මහතා පවසයි.
අමාත්‍යවරයා මේ බව පැවසුවේ අද (04) පාර්ලිමේන්තුවේදී විසර්ජන පනත් කෙටුම්පත තෙවැනි වර කියැවීමේ කාරක සභා අවස්ථාවේ දෙවැනි දින විවාදයට එක්වෙමිනි.
යුද්ධය නිසා පොලිස් නිලධාරීන් තුන්සිය ගණනක් මිය ගියා. තුවාල ලැබූ විශාල පිරිසක් තවමත් ප්‍රතිකාර ලබනවා. මේ අයට ලක්ෂ ගණන් මුදල් වියදම් කර රජය ප්‍රතිකාර ලබා දෙනවා. මාස 10ක ණය මුදල නැවත ලබා දෙන ලෙස ඔවුන් ඉල්ලා සිටිනවා. පොලිසියේ අයගේ දරුවන් පොලිස් සේවයට බඳවා ගන්නා විට අමතර ලකුණු ලබා දීමේ ක්‍රමයක් ඇති කළ යුතු බව ද ඔහු කීය.
NDH/HC
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
