එහිදී ඉන්දීය අග්‍රාමාත්‍යවරයා විසින් ශ්‍රී ලංකා ජනපති මෛත්‍රිපාල සිරිසේන මහතා ඉතා උණුසුම් ලෙස පිළිගන්නා ලදී.
ආර්ථික,විදුලි බල හා බලශක්ති, ධීවර කර්මාන්තය, සංස්කෘතික කටයුතු වලට අදාළව එහිදී දෙරට අතර ප්‍රධාන ගිවිසුම් කීපයකට ද අත්සන් තබන ලදී.
ශ්‍රී ලංකා ජනාධිපතිවරයාගේ පළමු නිල සංචාරය සඳහා ඉන්දියාවට පැමිණීම පිළිබඳව ඉන්දීය අගමැතිවරයා සිය ප්‍රසාදය පළ කළ අතර එය දෙරට පොදු හඩක් නැංවීමට අවස්ථාවක් බවත් එය ඉන්දියාව සමඟ පවතින මිත්‍රත්වයට වඩාත් ප්‍රයෝජනවත් වනු ඇති බවත් පැවසී ය.
පසුගිය ජනාධිපතිවරණය පැවැත්වූ ආකාරය පිළිබඳව ඉන්දීය අග්‍රාමාත්‍යවරයා ප්‍රසාදය පළ කළේ ය. දෙරටේ නායකයන් අතර කලාපීය සහයෝගීතාව පිළිබඳව ද සාකච්ඡා කළේය. මාලදිවයින අතර අඳහස් හුවමාරුව ශ්‍රී ලංකාවට ප්‍රයෝජනවත් විය හැකි බව ද මෝදී මැතිතුමා පැවසී ය.
දෙරටේ ධීවර ප්‍රශ්නය පිළිබඳව රාජ්‍ය නායකයින් අතර සාකච්ඡා සිදු වූ අතර දෙරටට හොඳම ප්‍රතිඵල ගෙන දෙන විසදුමක් සඳහා කටයුතු කළ යුතු බවට දෙරට නායකයන්ගේ මතය විය.
ශ්‍රී ලංකා ජනාධිපතිවරයා සිය පළමු නිල විදේශ සංචාරය සඳහා ඉන්දියාව තෝරා ගැනීම ඉන්දීය රජයේ සහ ජනතාවගේ උණුසුම් පිළිගැනීමට ලක් විය. එයින් දෙරටේ යහපත් මිත්‍රත්වය තවදුරටත් ශක්තිමත් වනු ඇති බවට බලාපොරොත්තු වන බව ඉන්දීය අග්‍රාමාත්‍යවරයාගේ අදහස විය. මෙහිදී ජනපති මෛත්‍රිපාල සිරිසේන මහතා පවසා සිටියේ ඉතිහාසයට වඩා ඉන්දීයාව සමඟ සමීප මිතුදමක් ඇති වී තිබෙන බවයි.
මාර්තු මාසයේ ශ්‍රී ලංකාවට පැමිණීමට නියමිත ඉන්දීය ග්‍රාමාත්‍ය නරේන්ද්‍ර මෝදි මහතා ඉතාමත් උණුසුම් ලෙස පිළිගැනීමට බලාපොරොතුවෙන් සිටින බව ද ශ්‍රී ලංකා ජනාධිපතිවරයා පවසා තිබේ.
සාකච්ඡාවලින් අනතුරුව ජනපති මෛත්‍රීපාල සිරිසේන මහතා නවදිල්ලි ජාතික කෞතුකාගාරයේ සංචාරයක ද නිරත විය.
