එළැඹෙන ලෝක කුසලාන තරගාවලියේ පුහුණු සැසියකට සහභාගීවෙමින් සිටින අතර තුවාල ලැබූ ශී‍්‍ර ලංකා කණ්ඩායමේ වේග පන්දු යවන කී‍්‍රඩක ධම්මික ප‍්‍රසාද් වෙනුවට වේග පන්දු යවන ක්‍රීඩක දුෂ්මන්ත චමීර ලෝක කුසලාන තරගාවලිය සඳහා ශී‍්‍ර ලංකා පිලට තෝරා ගැනීමට තීරණය කළ බව ශ්රී ලංකා ක්‍රිකට් ආයතනය පවසයි.
කණ්ඩායම් කළමණාකාරීත්වය සමඟ සාකච්ඡාවකින් පසු ශ්රී ලංකා ක්‍රිකට් තේරීම් කමිටුව මෙම තීරණයට එළඹුණු බව ශ්රී ලංකා ක්‍රිකට් ආයතනය නිවේදනය කරන අතර ශ්රී ලංකා තේරීම් කමිටුවේ තීරණය ජගත් පාලක මණ්ඩලයේ තාක්ෂණික කමිටුව විසින් ද අනුමත කළ යුතු වේ.
23 හැවිරිදි දුෂ්මන්ත චමීර පසුගියදා නවසීලන්ත එක්දින තරගාවලිය අතර මැද ශ්රී ලංකා පිලට කැඳවීම් ලැබ වෙලින්ටන්හි පැවැති අවසන් එක් දින තරගයට ක්‍රීඩා කිරීමට අවස්ථාව ලබා එම තරගයේදී ලකුණු 60ට කඩුලු 2ක් බිඳ දමමින් සිය දක්ෂතා දැක්වීය.
SDF
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
