මෙම අනතුරින් එක් පුද්ගලයෙකු ජීවිතක්ෂයට පත් වී ඇති අතර 70 දෙනෙකු රෝහල් ගත කර ඇත.
පුද්ගලයන් 478 දෙනෙක් සිටි නෞකාවෙන් මගීන් බේරා ගැනීම හෙලිකොප්ටර් යොදා ගනිමින් සිදු කරනු ලබයි. නෝමන් ඇට්ලාන්ටික් නම් මෙම නෞකාව ඇනෙක් ලිපෙස් නම් ග්‍රීක සමාගමට අයත් වේ.
නෞකාවේ නිදන කාමරයකින් හට ගෙන ඇති ගින්න එහි වාහන රැගෙන යන තට්ටුව දක්වා පැතිර ගොස් ඇති බව විදෙස් මාධ්‍ය වාර්තා කරයි.
මේ වන විට නෞකාව ග්‍රීසියේ කෝෆු දිවයින ආසන්න මුහුදේ නතර කර ඇති අතර අධික ශීතල සහ අධික සුළං සහිත කාලගුණය සමඟ ගින්න පැතිරීම ජීවිතාරක්ෂක මෙහෙයුම් කටයුතු සඳහා බාධාවක් වී ඇති අතර මගීන් ද ඉමහත් අපහසුතාවයට පත්ව ඇත.
SDF
