ඉන්දු - ශ‍්‍රී ලංකා දෙරටේ මිත‍්‍රත්වය වඩාත් තහවුරු කරමින්, නත්තල් උත්සවය හා අලුත් අවුරුදු උත්සවය නිමිත්තෙන් ඉන්දියාවේ හා ශ‍්‍රී ලංකාවේ අත්අඩංගුවේ සිටි මේ ඉන්දීය ධීවරයන් 66 දෙනා නිදහස් කළ පසු මෙම ධීවරයන් කන්කසන්තුරේ මුහුදු සීමාවේ දී හුවමාරු කරගන්නා බව ද එම අමාත්‍යාංශය පවසයි.
2014 නොවැම්බර් 26 හා 27 දිනවල නේපාලයේ පැවති සාක් සමුළුවේදී ඉන්දීය අග‍්‍රාමාත්‍ය නරේන්ද්‍ර මෝදී මැතිතුමා හා ශ‍්‍රී ලංකා ජනාධිපති මහින්ද රාජපක්‍ෂ මැතිතුමා අතර පැවති සුහද සාකච්ඡාවල ප‍්‍රතිඵලයක් වශයෙන් මෙසේ දෙරටේ ම ධීවරයන් නිදහස් කර ගැනීමට හැකි වූ බවත්, මීට පෙර ද ඉන්දීය නව රජයේ සුහදතාව වර්ධනය කර ගනිමින් ශ‍්‍රී ලංකා ජනාධිපති මහින්ද රාජපක්‍ෂ මැතිතුමා ඉන්දීය ධීවරයන් නිදහස් කිරීමට පියවර ගත් බව ද ධීවර නියෝජ්‍ය අමාත්‍ය සරත් කුමාර ගුණරත්න මහතා පැවසීය.
මේ සම්බන්ධයෙන් ධීවර හා ජලජ සම්පත් සංවර්ධන අමාත්‍යාංශය, විදේශ කටයුතු අමාත්‍යාංශය හා නීතිපති දෙපාර්තමේන්තුව එක්ව කටයුතු කරන අතර මෙසේ නිදහස ලැබූ ඉන්දීය ධීවරයන් 66 දෙනෙකු සහ ශ‍්‍රී ලාංකීක ධීවරයන් 30 දෙනෙකු නිදහස්ව නත්තල් හා අලුත් අවුරුදු සඳහා ඔවුන්ගේ නිවෙස්වලට යැවීමට කටයුතු සැලසූ බව ද අමාත්‍යාංශය පවසයි.
NDH
