ලෝකයේ ක්‍රීඩා තරගාවලීන් අතරින් තෙවන විශාලතම තරගාවලිය වන 2015 ලෝක කුසලාන තරගාවලිය සඳහා ජාත්‍යන්තර ක්‍රිකට් කවුන්සිලයේ විවිධ ප්‍රචාරන වැඩසටහන්වලට හා තරගාවලියේ ප්‍රචාරණ ආකෘතීන් සඳහා 2015 ලෝක කුසලාන තරගාවලියේ තානාපති ලෙස තෙන්ඩුල්කර් සහභාගී වනු ඇත. මෙවර 2015 ලෝක කුසලාන තරගාවලිය ඕස්ට්‍රේලියාවේ දී සහ නවසීලන්තයේ දී 2015 පෙබරවාරි 15 සිට මාර්තු 29 දක්වා පැවැත්වේ.
පසුගිය වසරේ (2013) තෙන්ඩුල්කර් සිය ක්‍රිකට් දිවියෙන් විශ්‍රාම ගිය අතර ඒ වන විට ඔහු ජාත්‍යන්තර ටෙස්ට් තරග 200කට හා එක් දින තරග 463කට ද එක් ජාත්‍යන්තර විස්සයි විස්සේ තරගයකට ද (Twenty20 International) සිය රට නියෝජනය කරමින් ක්‍රීඩා කර ඇත. වයස අවුරුදු 41 දී තෙන්ඩුල්කර් සිය වසර 24ක ක්‍රිකට් දිවියෙන් ඔහු සමුගන්නා විට ජාත්‍යන්තර වශයෙන් ලකුණු 34,357ක් රැස් කර සිටි අතර ශතක 100ක් වාර්තා කර තිබුණි.
ලෝක කුසලාන තරග ඉතිහාසයේ වාර්තා අතර ඉහළින් ම සිය නාමය සනිටුහන් කළ ක්‍රීඩකයෙකු වන තෙන්ඩුල්කර් එම තරගවලියන් හි තරග 45ක දී ලකුණු 2,278 රැස් කර ඇති අතර එහි සාමාන්‍ය අගය 56.95 ක් වේ. 2003 ලෝක කුසලාන තරගාවලියේ දී ඕස්ට්‍රේලියාව තරගාවලියේ ජයග්‍රහණය හිමි කරගන්නා විට ලකුණු 673ක් රැස් කරමින් තෙන්ඩුල්කර් තරගාවලියේ වීරයා බවට පත් වීම ඔහුගේ සුවිශේෂී ජයග්‍රහණයකි.
SDF
