එම ක්‍රීඩකයන් ආසියානු මට්ටමේ සුදුසුකම් පරීක්ෂා කිරීම සඳහා ක්‍රීඩා අමාත්‍ය මහින්දානන්ද අලුත්ගමගේ මහතා විසින් මහාචාර්ය අර්ජුන ද සිල්වා මහතාගේ ප්‍රධානත්වයෙන් පත්කළ කමිටුව විසින් තෝරාගනු ලැබ ඇත. මෙම කමිටුවේ සෙසු සාමාජිකයින් ලෙස ධම්මික රණතුංග හා සුනිල් ජයවීර යන මහත්වරුන් ද කටයුතු කරයි.
මෙම කමිටුව බොක්සින් ක්‍රීඩාවෙන් එරන්දි ද සිල්වා, බර ඉසිලීමේ ක්‍රීඩාවෙන් චින්තන ගීතාල් විදානගේ, ජීවිත ආරක්ෂක ක්‍රීඩාවෙන් චමීර ලක්ෂාන් හා මලල ක්‍රීඩාවෙන් ක්‍රීඩකයන් 12දෙනෙක් තෝරාගෙන ඇත. කබඩි ක්‍රීඩාවෙන් කාන්තා ක්‍රීඩකාවන් 12 දෙනෙක් හා වෙරළ ක්‍රීඩාවෙන් ක්‍රීඩකයන් 8 දෙනෙකු තෝරා ගෙන ඇති අතර ක්‍රිකට් හා රග්බි ක්‍රීඩා කණ්ඩායම ඇතුළු ක්‍රීඩකයන් 72 දෙනෙකුද ආසියානු තරග නියෝජනය කිරීම සඳහා තෝරා ගත් බව ක්‍රීඩා අමාත්‍යාංශය නිවේදනය කරයි.
රටක් වශයෙන් නියෝජනය කරන ක්‍රීඩක ක්‍රීඩිකාවන් අදාළ පරිසාධන මටටම්වල නොමැතිව ජාත්‍යන්තර මට්ටමේ ප්‍රධාන තරගවලට සහභාගී කරවීම රටේ ක්‍රීඩාවේ දියුණුවට යෙදවිය හැකි මුදල් අපතේ හැරීමක් මෙන් ම ක්‍රීඩාවේ ජයග්‍රහණයන් හා ඉලක්කයන් ළඟා කර ගැනීමට බාධාවක් වන බැවින් ක්‍රීඩා අමාත්‍යාංශයෙන් ගනු ලැබූ මෙම ප්‍රතිපත්ති තීන්දුවට ජාතික ඔලිම්පික් කමිටුව විසින්ද පූර්ණ අනුමැතිය ලබා දී ඇති බව බව ක්‍රීඩා අමාත්‍යාංශය නිවේදනය කරයි.
MAP
