සංඛ දිනෙත්ගේ ගායනයෙන් හා සංගීතයෙන්ද , වසන්ත මොරගොඩගේ පද රචනයෙන්ද හැඩ වූ මෙම ගීතය එළි දැක්වීම ක්‍රීඩා අමාත්‍ය හරීන් ප්‍රනාන්දු සහ ශ්‍රී ලංකා ක්‍රිකට් ආයතනයේ සභාපති ශම්මි සිල්වා යන මහත්වරුන්ගේ ප්‍රධානත්වයෙන් සිදු කෙරුණි.
මෙහිදී අදහස් දැක් වූ ක්‍රීඩා අමාත්‍ය හරීන් ප්‍රනාන්දු මහතා පැවසුවේ රට තුළ පසුගිය කාලයේ පැවති තත්වය හේතුවෙන් ලෝක කුසලානය වෙනුවෙන් ගීතයක් අවශ්‍ය නොමැති බවට අදහසක් පැවතුණද,රට මෙවැනි තත්වයකට මුහුණ දුන් අවස්ථාවලදී ක්‍රිකට් ක්‍රීඩාව මෙන්ම සංගීතයද එය සමනය කිරීම නිසා ගිතය ඉදිරිපත් කළ බවයි.
ශ්‍රී ලංකා ක්‍රිකට් කණ්ඩායම් නායක දිමුත් කරුණාරත්න තම කණ්ඩායමට සහය දක්වන ලෙස එංගලන්තයේ සිට ඉල්ලීමක් කළ වීඩියෝවක්ද විකාශය කිරීමට කටයුතු කර තිබුණි.
